बसको ठक्करबाट बालिकाको मृत्यु, नालीमा महिलाको शब फेला

सिन्धुली / सिन्धुलीको कमलामाइ नगरपालिका वडा नम्वर ७ को माझीटारमा यात्रुवाहक माइक्रो बसको ठक्करबाट एक जना बालिकाको मृत्यु भएको छ ।
पानी किन्न सडक पार गर्नेक्रममा काठमाडौंबाट काँकडभिट्टातर्फ जाँदै गरेको माइक्रोको ठक्करबाट तीनपाटन गाउँपालिका–११ की ९ वर्षीया ममता तामाङको बिहीबार मृत्यु भएको प्रहरीले जनाएको छ ।
प्रहरीका अनुसार, बालिकालाई ठक्कर दिने बा ४ ख ६६७३ नं को हायस गाडीलाई नियन्त्रणमा लिएको छ भने चालक फरार छन् । चालकको खाजीकार्य हुनुका साथै घटनाको बारेमा आवश्यक अनुसन्धान गरिरहेको जनाइएको छ ।
नालीमा एक महिलाको शव फेला
यस्तै मकवानपुरमा सडकको नालीमा एक महिलाको शव फेला परेको छ । जिल्लाको थाहा नगरपालिका–९ चित्लाङस्थित भित्री सडकखण्ड छेउको नालीमा एक जनाको शव फेला परेको प्रहरीले जनाएको छ ।
उक्त शव स्थानीय अन्दाजी ४५ वर्षीय बसन्ती बलामीको शव फेला परेको बागमती प्रदेश प्रहरी कार्यालय हेटौंडाले जनाएको छ । उक्त घटनाको बारेमा प्रहरीले आवश्यक अनुन्धान गरिरहेको जनाइएको छ ।