हिमपहिरोमा परेर तीन जना बेपत्ता

बझाङ / बझाङमा हिमपहिरोमा ३ जना बेपत्ता भएका छन् । आइतबार बिहान सुर्मा गाउँपालिका–२ को धानशेरा भन्ने ठाउँमा हिमपहिरो जाँदा तीन जना बेपत्ता भएको जिल्ला प्रहरी कार्यालय बझाङले जनाएको छ ।
यस्तै, उक्त हिमपहिरोमा परेर दुई जना घाइते भएका छन् । हाल घटनास्थलतर्फ प्रहरी टोली जाँदै गरेको प्रहरीले जनाएको छ । प्रहरीका अनुसार, घटनास्थल निकै टाढा भएकाले टोली पुग्न समय लाग्ने हो ।
हिमपहिरोमा परेर घाइते भएका र बेपत्ता हुनेको परिचय भने खुलेको छैन । उनीहरु यार्सागुम्बा संकलन गर्न त्यहाँ पुगेको जानकारी आएको प्रहरीले जनाएको छ ।