काठमाडौं / यो साता नेपाली बजारमा सुन प्रतितोला २१ सय रुपैयाँले गिरावट आएको छ ।
गत साताको तुलनामा यो सातामा सुनको मूल्यमा उक्त मूल्यको गिरावट आएको नेपाल सुनचाँदी व्यवसायी महासंघले जनाएको छ ।
- ADVERTISEMENT -
गत साताको शुक्रबार १ लाख ३९ हजार ३ सय रुपैयाँमा कारोबार भएको छापावाल सुन यस साताको शुक्रबार १ लाख ३७ हजार २ सय रुपैयाँमा कारोबार भएको छ ।
यस्तै, गत साता प्रतितोला १ लाख ३८ हजार ६५० रुपैयाँमा कारोबार भएको तेजावी सुन यस साता १ लाख ३६ हजार ५५० रुपैयाँ कायम छ ।
यसैगरी, यस साता चाँदीको मूल्यमा समेत गिरावट आएको छ । यस साता चाँदी प्रतितोला ४५ रुपैयाँले गिरावट आएको हो ।
गत साताको शुक्रबार चाँदीको मूल्य तोलामा १७ सय २० रुपैयाँ कायम थियो । जुन, यो साताको शुक्रबारसम्म आइपुग्दा १६ सय ७५ रुपैयाँमा आइपुगेको छ ।
