July 20, 2024

छुट्टाछुट्टै स्थानबाट अवैध लागूऔषधसहित तीन पक्राउ

June 19, 2024
Sketch

काठमाडौं / अवैध लागूऔषधसहित छुट्टाछुट्टै स्थानबाट प्रहरीले तीन जना पक्राउ परेका छन् । नवलपरासी पश्चिम र मोरङ जिल्लाको विभिन्न स्थानबाट लागूऔषधसहित उनीहरुलाई पक्राउ परेका हुन् ।

प्रहरीले नवलपरासी पश्चिमको प्रतापपुर गाउँपालिका–२ घोडाहास्थित सडकबाट अवैध लागूऔषध ५ ग्राम ५ सय मिलिग्रामसहित सोमबार एक भारतीय नागरिकलाई पक्राउ गरेको छ । पक्राउ पर्नेमा भारतको महाराजगंज निपनिया बस्ने ३० वर्षीय उमेश यादव रहेका छन् ।

उनलाई इलाका प्रहरी कार्यालय बेलाटारी र इलाका प्रहरी कार्यालय सेमरीबाट खटिएको प्रहरीले पक्राउ गरेको हो । भारतबाट नेपालतर्फ आउँदै गरेको युपि ५६ एवाई ५४५० नम्बरको मोटरसाइकल चालक यादवलाई उक्त पदार्थसहित पक्राउ गरिएको हो ।

यस्तै, मोरङको रंगेली नगरपालिका–४ बाट अवैध लागूऔषध खैरो हेरोइन ३१ ग्राम ४ सय ९० मिलिग्रामसहित २ जनालाई सोमबार दिउँसो प्रहरीले पक्राउ गरेको छ । पक्राउ पर्नेहरुमा सोही नगरपालिका–४ बस्ने ३५ वर्षीय भुवनेश्वर प्रसाद साह र सोही नगरपालिका–९ बस्ने २५ वर्षीय सागर यादव रहेका छन् ।

इलाका प्रहरी कार्यालय रंगेली र लागूऔषध नियन्त्रण ब्यूरो विराटनगरबाट खटिएको प्रहरीले उनीहरुलाई उक्त पदार्थसहित पक्राउ गरेको हो ।

ती दुबै घटनाको बारेमा प्रहरीले आवश्यक अनुसन्धानका साथै कानूनी प्रकृया अगाडि बढाइएको छ ।

- ADVERTISEMENT -
- ADVERTISEMENT -