काठमाडौं / साफ महिला च्याम्पियनसिपको दोस्रो सेमिफाइनलमा भारतलाई हराउँदै नेपाल फाइनलमा प्रवेश गरेको छ ।
दशरथ रंगशालामा आइतबार साँझ भएको सेमिफाइनलमा भारतलाई ‘पेनाल्टी सुटआउट’मा हराउँदै नेपाल प्रतियोगिताको फाइनलमा प्रवेश गरेको हो । फाइनल खेल कार्तिक १४ गते बुधवार हुनेछ ।
- ADVERTISEMENT -
अब नेपालले फाइनलमा बंगलादेशसंग भिड्नेछ । निर्धारित समयमा खेल १(१ गोलको बराबरीमा सकिएको थियो । त्यसपछि खेल पेनाल्टी सुटआउटमा गएको थियो ।
प्रतियोगितामा फरवार्ड रेखा पौडेलले रातो कार्ड पाएपछि नेपाल दश खेलाडीमा सिमित भएको थियो ।
- ADVERTISEMENT -
नेपालले समूह ‘बी’को विजेताका रुपमा सेमिफाइनलमा प्रवेश गरेको थियो भने भारत समूह ‘ए’ को उपविजेताका रुपमा सेमिफाइनल प्रवेश गरेको थियो ।
