काठमाडौं / नेपाली १९ वर्ष मुनिको महिला क्रिकेट टोलीका सदस्यहरुलाई नेपाल प्रिमियर लिग (एनपिएल) का ८ फ्रेन्चाइज टोलीले १० लाख रुपैयाँ पुरस्कार दिने भएका छन् ।
विश्वकपमा छनोट भएकामा एनपिएलका सबै आठ फ्रेन्चाइज टोलीहरुले संयुक्त रुपमा १० लाख रुपैयाँ सहयोग गर्ने बताएका हुन् । यसअघि नेपाल क्रिकेट संघ क्यानले टोलीका प्रत्येक खेलाडीलाई प्रोत्साहन स्वरुप जनही २ लाख ५० हजार दिने बताइसकेको छ ।
- ADVERTISEMENT -
बुधबार युनाइटेड अरब इमिरेट्स ९युएई० मा भएको आइसीसी १९ वर्ष मुनिको महिला विश्वकपको एसिया छनोटको अन्तिम खेलमा युएईलाई आठ विकेटले हराउँदै नेपाल विश्वकपमा छनोट भएको थियो । सन् २०२५ को जनवरीमा मलेसियामा १९ वर्ष मुनिको महिला विश्वकप हुँदैछ ।
त्यस्तै १९ वर्ष मुनिको महिला क्रिकेट टोलीले आगामी मंसिर ३० गतेदेखि मलेसियामा हुने एसीसी १९ वर्ष मुनिको महिला एसिया कपमा सहभागी जनाउनेछ ।
