काठमाडौँ / नेपालले महिला टी–२० विश्वकप २०२६ को छनोट प्रतियोगिता आयोजना गर्ने भएको छ । अन्तर्राष्ट्रिय क्रिकेट काउन्सिल (आइसिसी) ले नेपाललाई महिला टी–२० विश्वकप २०२६ को छनोट प्रतियोगिता आयोजना गर्ने जिम्मेवारी दिएको हो ।
१० टोलीले प्रतिस्पर्धा गर्ने छनोट प्रतियोगिता अर्को वर्ष सन् २०२६ को जनवरी १२ देखि फेब्रुअरी २ सम्म नेपालमा हुनेछ । प्रतियोगिताबाट उत्कृष्ट चार टोलीले सन् २०२६ मा इंग्ल्यान्ड र वेल्समा हुने मुख्य विश्वकपमा आफ्नो स्थान पक्का गर्नेछन् ।
- ADVERTISEMENT -
सन् २०२४ को महिला टी–२० विश्वकपमा सहभागी भएका आधारमा बंगलादेश र आयरल्यान्डले छनोट प्रतियोगितामा स्वतः स्थान बनाएका थिए ।
त्यसैगरी, एसियाली क्षेत्रबाट थाइल्यान्ड र आयोजकको रूपमा नेपाल छनोट भएका थिए । अमेरिका क्षेत्रबाट संयुक्त राज्य अमेरिकाले आफ्नो स्थान सुरक्षित गरेको थियो । बाँकी पाँच स्थानका लागि अफ्रिका र युरोपबाट दुई(दुई तथा पूर्वी एसिया(प्रशान्त क्षेत्रबाट एक टोलीले आ(आफ्नो क्षेत्रीय छनोट जितेर आउनेछन् ।
- ADVERTISEMENT -
नेपालमा हुने प्रतियोगितामा सहभागी १० टोलीलाई पाँच(पाँच टोलीको दुई समूहमा विभाजन गरिनेछ। समूह चरणपछि सुपर सिक्स र फाइनल खेल हुनेछ । प्रतियोगिताको विस्तृत खेल तालिका भने आइसिसीले पछि सार्वजनिक गर्नेछ ।
