संक्रमित विश्वभर ५७ लाख बढी, निको २५ लाख नजिक

भरतपुर । विश्वव्यापी रुपमा फैलिरहेको कोरोना भाइरस कोभिड–१९ का कारण ५७ लाख ७८ हजार ७ सय ८२ जना रहेको विश्व स्वास्थ्य संगठन (डब्लुएचओ)ले जनाएको छ । कोरोनाका कारण मृत्यु हुनेमा ३ लाख ५७ हजार ४ सय २५ जना रहेका छन् । कोरोनाबाट निको भई घर फर्कनेमा २४ लाख ९७ हजार ५ सय १ सय ९३ जना रहेको डब्लुएचओले जनाएको छ ।
नेपालमा संक्रमित ८८६ जना
त्यसैगरी कोरोना संक्रमित हालसम्म नेपालमा ८८६ जना पुगेको स्वास्थ्य तथा जनसंख्या मन्त्रालयले जनाएको छ ।
स्वास्थ्य मन्त्रालयका अनुसार हालसम्म ५८ हजार २ सय ७७ जना पिसिआर परीक्षण गरिएको, १ लाख २ सय ८७ जनाको आरडिटी परीक्षण गरिएको, क्वारेन्टाइनमा ७० हजार ३ सय ५ जना, आइसोलेसनमा ६ सय ९९ जना रहेका छन् ।
कोरोनाबाट हालसम्म १८३ जना निको भई घर फर्केका छन् भने ४ जनाको मृत्यु भएको छ ।