मकवानपुरमा प्रहरीद्वारा १८ क्विंटल गाँजा नष्ट

0
70
Photo : Halkaro

हेटौंडा / मकवानपुर प्रहरीले शनिबार राति राक्सिराङ गाउँपालिका वडा नंबर १ स्थित गाल्छाराङमा बारीमा लुकाई छिपाई राखेको १८ क्विंटल गाँजा जलाएर नष्ट गरेको छ । जिल्ला प्रहरी कार्यालय मकवानपुरबाट प्रहरी सहायक निरीक्षक शिवराज गुरूङको कमाण्डमा ईलाका प्रहरी कार्यलय नेवारपानी सहित खटिएको ११ जनाको संयुक्त प्रहरी टोलीले गाउँपालिकाको वडा नंबर १ स्थित गाल्छाराङमा बारीमा लुकाई छिपाई राखेको १८ क्विंटल गाँजा जलाएर नष्ट गरेको जिल्ला प्रहरी कार्यलय मकवानपुरले जनाएको छ ।
यसैगरि प्रहरीले उक्त गाँजा जलाएर फर्कने क्रममा बाटो अवरोध गरेको भन्दै सोहि वडाका वडा अध्यक्ष कान्छालाल रुम्बालाई पक्राउ गरेर थप अनुसन्धान भईरहेको जनाएको छ । कुपिनटार स्थितसडकमा स्थानीयहरूको अवरोध पछि प्रहरीको कामकारबाहीमा बाँधा पुर्याउनुको साथै प्रहरीहरू माथि समेत हातपात भएको भन्दै स्थितिलाई नियन्त्रणमा लिन प्रहरीले २ राउण्ड हवाई फायर गरेको जिल्ला प्रहरी कार्यलय मकवानपुरका प्रहरी प्रवक्ता ईन्द्र बहादुर रानाले जानकारी दिए ।
स्थानीय र प्रहरीबीच झडप भएसँगै मनहरीबाट प्रहरी निरीक्षक बिनोद श्रेष्ठको कमाण्डमा र सशस्त्र प्रहरीको आई.आर.टी. पोष्ट कत्लेखोलाबाट समेत टोली घटनास्थलमा पुगेको प्रवक्ता रानाको भनाई छ । यसैगरि सोहि क्रममा कुपिनटार स्थित बारीमा १५ केजी गाँजा र १४ केजी गाँजाको भाँङ बेवारिसे चिसो अवस्थामा फेला पारी बरामद गरी जिल्ला प्रहरी कार्यालय मकवानपुरमा ल्याई थप अनुसन्धान भइरहेको जिल्ला प्रहरी कार्यलय मकवानपुरले जनाएको छ ।