ठाउँ–ठाउँमा ढुंगा र लेदो खस्दै, नारायणगढ–मुग्लिन सडकखण्ड एकतर्फी

चितवन / नारायणगढ–मुग्लिन सडकखण्डको ठाउँठाउँमा ढुंगा र लेदो खसेको छ । रातिदेखि परेको अविरल वर्षाका कारण विभिन्न ठाउँहरुमा ढुंगा र लेदो खसेको जिल्ला प्रहरी कार्यालय चितवनले जनाएको छ ।
जिल्ला प्रहरी कार्यालय कार्यालय चितवनका प्रवक्ता सूर्यबहादुर थापाका अनुसार नारायणगढ–मुग्लिन सडकखण्डको सात दोबाटो र घुमाउनेमा ठूलो ढुंगा खसेकाले सडक एकतर्फी सञ्चालनमा छ । कालिखोला, जलबिरे, सत्र किलो लगाएतका ठाउँमा ढुंगा र लेदो खसेको उनले बताए ।
सडकमा खसेका ढुंगा पन्छाउनका लागि डिभिजन सडक कार्यालयसँग समन्वय भइरहेको उनले भने । निरन्तरको वर्षाका कारण ढुंगा पन्छाउन नसकिएको बताइएको छ ।