राप्ती ४ का कृषकलाई ५० प्रतिशत अनुदानमा इलेक्ट्रिक पम्प

चितवन / राप्ती वडा नम्बर ४ ले किसानलाई ५० प्रतिशत अनुदानमा विषादी छर्ने इलेक्ट्रिक पम्प वितरण गरेको छ । आव २०७८÷७९ को वार्षिक स्वीकृत कार्यक्रम अनुसार ५० प्रतिशत अनुदानमा कृषकहरूलाई इलेक्ट्रिकल पम्प वितरण गरिएको वडाध्यक्ष केदार आचार्यले जानकारी दिए ।
वडाध्यक्ष आचार्यका अनुसार किसानको मागको तुलनामा पम्प न्युनतम रहेकोले गोला प्रथा प्रणालीद्वारा पम्प वितरण गरिएको हो । यसपटकको वितरण प्रकृयामा छुटेका कृषकलाई आगामी पटक समावेश गरिने उनले बताए ।
त्यस्तै राप्ती नगर क्षेत्रको आधार वडा नं ४ मा सम्पन्न कृषि पुर्वाधार कार्यक्रम संचालन गरी कृषि र कृषकसँग हातेमालो गरेर अगाडि बढ्ने उनले प्रतिबद्धता व्यक्त गरे ।
कार्यक्रममा स्थानीय कृषक, इलाका प्रहरी प्रशासन भण्डाराका प्रतिनिधि, स्थानीय बुद्धिजीवी, राजनीतिक दलका प्रतिनिधि लगायतको उपस्थिति रहेको थियो ।