ट्रक र स्कार्पियो एकआपसमा ठोक्किँदा तीनको अवस्था गम्भीर

चितवन / नारमयगढ–मुग्लिन सडक खण्ड अन्तर्गत भरतपुर महानगरपालिका वडा नम्वर २९ केराबारीमा ट्रक र स्कार्पियो एक आपसमा ठक्कर खाएको छ भने सात जना घाइते भएका छन् ।
नारायणगढबाट काठमान्डौतर्फ जाँदै गरेको ना ६ ख २७७२ नम्बरको ट्रकले शनिबार साँझ विपरीत दिशाबाट आउँदै गरेको ग २ च ३५१२ नम्बरको स्कार्पियो एक आपसमा ठक्कर खाएको हो । स्कार्पियोमा सवार चालक सहित सात जना घाइते भएका छन् । घाइते सातै जनाको चितवन मेडिकल कलेजमा उपचाररत छन् ।
घाइते मध्ये तीन जनाको अवस्था गम्भीर रहेको छ भने अन्यको मध्यम रहेको जिल्ला प्रहरी कार्यालयले जनाएको छ । ट्रक र चालकलाई प्रहरीले नियन्त्रणमा लिएको छ ।