चितवन निकुञ्जमा २२२ वन्यजन्तुको उद्धार

चितवन / देशकै प्रसिद्ध निकुञ्ज चितवन राष्ट्रिय निकुञ्जले २२२ वटा वन्यजन्तुको उद्दार गरेको छ । गत आर्थिक वर्ष २०७८÷०७९ को तथ्याङ्क अनुसार निकुञ्जले ती वन्यजन्तुको उद्धार गरेको हो ।
निकुञ्जको सौराहा सेक्टर नजिक वन्यजन्तु अस्पताल समेत रहेको छ । जसले घाइते वन्यजन्तुको उपचार गर्ने गर्दछ । सूचना अधिकारी गणेश तिवारीका अनुसार सवैभन्दा धेरै अजिगंरको उद्धार गरिएको छ । १५४ वटा अजिंगरको उद्दार गरिएको उनले बताए । त्यसपश्चात १४ वटा चित्तल, ७ वटा बाघ, ३ वटा गैँडाको उद्धार गरिएको छ ।
त्यस्तै १ वटा चितुवाको बच्चा,९ वटा मगरगोही, १ वटा जरायो, ८ वटा कछुवा र ७ वटा सर्पको उद्दार गरिएको छ । त्यस्तै ४ वटा लगुना,२ वटा निलगाई, ३ वटा निर बिरालो, २ वटा चिल, १ वटा उल्लु, १ वटा गिद्ध, १ वटा भुँडीफोर, २ वटा रतुवा,१ वटा बदेँल र १ वटा मयुर रहेका छन् ।