राप्तीको दाना उद्योगमा आगलागी, करोड बढी क्षति भएको अनुमान

चितवन / राप्ती नगरपालिका वडा नं. ३ झुरझुरस्थित कुखुराको दाना गोदाममा आगलागी भएको छ । आगलागीबाट डेढ करोड बराबरको क्षति भएको जिल्ला प्रहरी कार्यालय चितवनले जनाएको छ ।
प्रहरीका अनुसार आज (शुक्रबार) बिहान पौने २ वजे विद्युत सर्ट भई आगलागी भएको हो भने बारुणयन्त्र इलाका प्रहरी कार्यालय भण्डारा र स्थानीयको संयुक्त प्रयासमा नियन्त्रणमा ल्याइएको थियो ।
आगलागीबाट दाना बनाउन प्रयोग हुने मेसिन, बिजुलिका सामान, गोदाममा भएको दाना लगायतमा क्षति भएको छ । उक्त आगलागीबाट मानवीय क्षति नभएको अनुसन्धान भइरहेको प्रहरीले बताएको छ ।