ग्यारेजमा आगलागी हुँदा तीन वटा सवारीसाधन जलेर नष्ट

मकवानपुर / श्रेष्ठ कन्ट्रक्सनको सवारी पार्किङ ग्यारेजमा आगोलागी भएको छ । हेटौंडा उपमहानगरपालिका वडा नम्वर ४ सृजना पथस्थित कन्ट्रक्सनमा बुधबार साँझ ८ बजे आगलागी भएको जिल्ला प्रहरी कार्यालय मकवानपुरले जनाएको छ ।
मकवानपुरका प्रहरी नायव उपरीक्षक टेकबहादुर कार्कीका अनुसार अशोक श्रेष्ठले संचालन गरेको उक्त ग्यारेजमा अचानक आगलागी भएको हो । उक्त लागोलागीबाट ग्यारेगमा रहेको बा ५ च २०५३ नं. को निसान कार, नम्वर नखुलेको भ्यान र ना ३८ प ३२५८ नम्वरको यमाहा स्कुटर जलेर पुर्णरुपमा क्षति भएको कार्कीले जानकारी दिए ।
आगो नियन्त्रणमा प्रहरी नायव उपरीक्षकको कमाण्डमा नेपाल प्रहरी र म्यादी प्रहरी गरी ४० जनाको टोली र स्थानीयको सहयोग रहेको थियो भने आगो साढे ८ बजे निभाउन सफल भएको थियो ।
आगलागी भएको स्थानमा घर धनीको परिवार काठमाडौं बस्ने गरेको र पाले मात्र बस्ने गरेको बुझिएको छ ।