माघे संक्रान्ति आज, थारु समुदायले नयाँ वर्षको रुपमा मनाउँदै

चितवन / देशैभरका थारु समुदायले माघे संक्रान्ति पर्व मनाउँदै छन् । माघे संक्रान्तिलाई थारु समुदायको नयाँ वर्षको रुपमा पनि लिइन्छ । थारु समुदायले आ–आफ्नो ठाउँमा विभिन्न किसिमका कार्यक्रम गरी माघे संक्रान्ति मनाइँदै छन् ।
उनीहरुले माघ १ गतेलाई नयाँ वर्षका रुपमा धुमधामका साथ मनाउँछन् भने यसलाई माघी पर्व पनि भन्ने चलन छ । आजको दिन स्नान, दान, एवं खानपिन र रमाइलो गरेर उनीहरुले माघी पर्व मनाउने गर्छन् । तराईवासीले माघ १ लाई नहान अर्थात् नुहाउने पर्वका रुपमा मनाउने गरेको पाइन्छ ।
आजबाट दिनभन्दा रात छोटा हुँदै जान्छन् भने देवघाट, त्रिशूली, कालीगण्डकी, बागमती, इन्द्रावती, त्रिवेणी, रिडीलगायत स्थानमा माघ स्नान गर्ने भक्तजनको भीड लाग्ने गर्छ । यी स्थानमा भव्य मेलासमेत लाग्ने गर्छ । सूर्य धनु राशिबाट मकर राशीमा प्रवेश हुने भएकाले माघ १ गतेलाई मकर संक्रान्ति पनि भनिन्छ ।