चितवन / चितवनमा निषेधाज्ञाको मोडालिटी केहि परिवर्तन गरेर निषेधाज्ञा थप गर्न जनप्रतिनिधिहरुले सुझाव दिएका छन् । प्रतिनिधि सभा सदस्य एवंम् कानुन न्याय तथा मानवअधिकार समिती सभापति कृष्णभक्त पोखरेलको अध्यक्षतामा बसेको बैठकमा चितवनका स्थानिय पालिकाका प्रमुखहरुले जिल्लामा जारी निषेधाज्ञा थप गर्न सुझाव दिएका छन् । चितवन जिल्लाभर लागु भएको निषेधाज्ञाको समय शुक्रबार राति १२ बजेबाट सकिदैछ ।
निषेधाज्ञाको समय सकिन लागेको र जिल्लामा कोरोना संक्रमितको संख्या बढ्दै गएकोले तत्काल निषेधाज्ञा हटाउन नहुनेमा चितवका पालिका प्रमुखहरुले जोड दिए । संक्रमित बढ्दै गएकोले जिल्लामा एटोमेटिक पिसिआर मेसिन खरिद गर्ने र कोरोना जाँचको संख्या बढाउने , प्रत्येक पालिकामा आइसोलेसन सेन्टर बनाउने लगायतको निर्णय भएको रत्ननगर नगरपालिकाका मेयर नारायण वनले जानकारी दिए ।
- ADVERTISEMENT -
केहि क्षेत्रमा खुकुलो गर्दै निषेधाज्ञा थप गर्न प्रमुख जिल्ला अधिकारीलाई सुझाव दिइएको मेयर वनले बताए । बैठकमा प्रदेश सभा सदस्यहरु , राजनितिक दलका प्रमुखहरु , प्रमुख जिल्ला अधिकारी , प्रहरी प्रमुख लगायतको सहभागिता रहेको थियो ।
