सिएमसीमा १९ जना कोरोना पुष्टि, चितवनका ९ जना

0
118

चितवन । चितवन मेडिकल कलेज (सिएमसी) कोभिड–१९ ल्याबमा बिहीबार राति गरिएको स्वाबमा परीक्षणमा १९ जनामा कोरोना संक्रमण पुष्टि भएको छ । चितवनका ९ सहित १९ जनाका कोरोना संक्रमण पुष्टि भएको ल्याब प्रमुख डा नवीनकुमार चौधरीले जानकारी दिनुभयो ।
चितवनका संक्रमित सबै भरतपुर महानगरपालिकाका हुन् । जसमध्ये चार जना पुरुष र पाँच जना महिला रहेका छन् । प्रयोगशालाका अनुसार भरतपुर–५ का ७९ वर्षीय पुरुष, भरतपुर–७ का २० र २३ वर्षीया दुई महिला, भरतपुर–१० का २६, ३१ वर्षका पुरुष र २४, २८ वर्षका दुई महिला, भरतपुर–१६ का ५० वर्षीय पुरुष र भरतपुर–२६ का २१ वर्षीया महिलामा संक्रमण पुष्टि भएको हो ।
यस्तै अन्य संक्रमण पुष्टि हुनेमा पूर्वी नवलपरासी गैंडाकोट–८ का २५ वर्षीया महिला, विनयी त्रिवेणी–६ का ५५ वर्षीय पुरुष गरि २ जना, बाराको जितपुर–१७ का ५३ वर्षीय पुरुष र कलैया–३ का २५ वर्षीया महिलागरि २ जना, मकवानपुरको हेटौंडा–११ का ५२ वर्षीय महिला, रौतहट जिग्दवा–२ का ४५ वर्षीया महिला, दाङ लमही–५ का २२ वर्षीया महिला, सर्लाही हरिपुर–२ का ५८ वर्षीय पुरुष, धनुषा ठाडी–४ का २३ वर्षीया महिला र पर्सा वीरगञ्ज–३ का ३० वर्षीय पुरुषमा कोरोना संक्रमण पुष्टि भएको हो ।