घण्टौं लाइनमा बसेपछि १० किलो मल

0
103

चितवन / चितवनका किसानहरु कोरोनाको जोखिम मोलेर युरिया मल खरीद गर्न लामो लाइनमा बस्ने गरेका छन् । यसअघि धान रोपाइँको बेलामा पनि युरिया मल किन्न किसानहरुले यसरी नै हैरान हुनु परेको थियो ।
यसरी लाइनमा बस्दासमेत किसानहरुले चाहिए जति मल प्राप्त गर्न सकेका छन् । जिल्लाका अन्य ठाउँमा पनि घाममा दिनभर लाइनमा बस्दा किसानले मल नपाएको पीडा उस्तै छ । थोरै मात्र मल दिने गरेको सर्वोदय बहुउद्देश्यीय सहकारीमा मल लिनको लागि किसानहरु आज बिहान ३ बजे देखिनै बोरा लिएर लाइनमा बसेका थिए ।
चितवनको भरतपुर–६ स्थित सर्वोदय बहुउद्देश्यीय सहकारी संस्थामा सयबोरा युरिया मल आएको छ भन्ने सूचना पाएपछि किसानहरु बिहान ३ बजेदेखि नै लाइनमा बसेका हुन् । मल खरिद गर्ने किसानको भीड धेरै भएपछि सहकारीले प्रतिकिसान १० केजी मल वितरण गर्ने तयारी गरेको सहकारीका अध्यक्ष प्रेमराज कोइरालाले बताउनुभयो ।
कृषि ज्ञान केन्द्र चितवनका प्रमुख राजन ढकालका अनुसार जिल्लामा २७ हजार चारसय ४५ हेक्टरमा धान खेती हुँदै आएको छ । अहिले जिल्लाभरि जम्मा दुईहजार एकसय क्विन्टल मात्र मल आएको छ । एक कठ्ठा जमिनलाई साढे २ केजी युरिया आवश्यक पर्ने ढकाल बताउनुहुन्छ ।