चितवन / भरतपुरस्थित पुष्पाञ्जली अस्पतालमा कुमारी बैंक लिमिटेडका ग्राहक र कर्मचारीलाई उपचार सेवामा विशेष छुट दिइने भएको छ । बैंक र अस्पताल बीच छुट उपलब्ध गराउने विषयमा बुधबार सम्झौता भएको हो ।
सम्झौता अनुसार बैंकका कर्मचारी तथा ग्राहकहरुले बैंकसँग आवद्धता प्रमाणका आधारमा अस्पतालले प्रदान गर्ने सेवा सुविधामा विशेष छुट प्राप्त गर्न सक्ने बताइएको छ । सो सम्झौता बमोजिम ग्राहक तथा बैंकका कर्मचारीहरुको लागि अस्पतालले प्रदान गर्ने सेवा सुविधामा २० प्रतिशतसम्म छुटहरु प्राप्त गर्न सक्नेछ ।
- ADVERTISEMENT -
सम्झौतामा कुमारी बैंकका तर्फबाट बागमती प्रदेश (उपत्यका बाहिर) प्रमुख राजकुमार श्रेष्ठ र सौराहा शाखाका शाखा प्रवन्धक नरेन्द्र महतोले हस्ताक्षर गरेका थिए भने पुष्पाञ्जली अस्पतालको तर्फबाट प्रबन्ध निर्देशक सुजनराज अधिकारी र सामाजिक सेवा एकाई इन्चार्ज केदारप्रसाद सुवेदीले हस्ताक्षर गरेका छन् ।
