नेपालमा संक्रमित थप १ हजार १७० जना कोरोना पुष्टि

0
18

काठमाडौँ / नेपालमा पछिल्लो २४ घण्टामा थप १ हजार १७० जनामा कोरोना भाइरस (कोभिड १९) संक्रमण पुष्टि भएको स्वास्थ्य तथा जनसंख्या मन्त्रालयका प्रवक्ता डा जागेश्वर गौतमले जानकारी दिनुभयो ।
मन्त्रालयका प्रवक्ता डा. गौतमका अनुसार आज सोमबार मुलुकका विभिन्न प्रयोगशालामा गरिएको परिक्षणमा १ हजार १७० जनामा संक्रमण देखिएको हो । योसँगै नेपालमा कुल संक्रमितको संख्या ५५ हजार ३२९ पुगेको छ । संक्रमितमध्ये हालसम्म कोरोना जितेर घर फर्किनेको संख्या ३९ हजार ५७६ पुगेको छ ।
पछिल्लो २४ घण्टामा थप १ हजार ८७९ जना उपचारपछि डिस्चार्ज भएका छन् । ७१.५ प्रतिशत संक्रमित निको भएका छन् । हाल नेपालमा १५ हजार ३९३ संक्रिय संक्रमित छन् । संस्थागत आइशोलेशनमा ८ हजार ११८ जना रहेका छन् ।
होम आइशोलेशनमा ७ हजार २७५ रहेका छन् । अहिले क्वारेन्टाइनमा ६ हजार ८९२ रहेका छन् । आज १० हजार ८७८ जनाको पिसिआर परिक्षण गरिएको छ । मन्त्रालयका अनुसार पछिल्लो २४ घण्टामा थप १५ जनाको मृत्यु भएको हो । योसँगै नेपालमा कोरोना संक्रमणबाट ज्यान गुमाउनेको संख्या ३६० पुगेको छ ।