निषेधाज्ञा आज अन्तिम, परिमार्जनसहित ल्याउने तयारी

0
383

भोलिदेखि पसल १० देखि ५ बजेसम्म खुल्ने
चितवन / जिल्ला प्रशासन कार्यालय चितवनले भोलि (असोज १) देखि परिमार्जन सहित निषेधाज्ञा खुकुलो बनाउने तयारी गरिरहेको छ । प्रशासनले जारी गरेको निषेधाज्ञा आज अन्तिम दिन हो । परिमार्जन सहितको निषेधाज्ञाका लागि नयाँ आदेश जारी गर्ने तयारी भइरहेको प्रमुख जिल्ला अधिकारी नारायणप्रसाद भट्टराईले जानकारी दिनुभयो ।
चितवनमा भोलीदेखि निजी सवारी साधान जोर विजोेर प्रणालीमा संचालन गर्न दिने तयारीमा प्रशासनमा रहेको प्रजिअ भट्टराईले बताउनुभयो । चितवनमा सार्वजनिक सवारी साधन सञ्चालनका बिषयमा के गर्ने भन्ने बिषयमा छलफल भइरहेको बताइएको छ ।
चितवनमा जिल्लामा कोरोनाको जोखिम अवस्था अध्ययन गरी निर्णय लिनुपर्ने अवस्था रहेको उहाँले बताउनुभयो । स्वास्थ्य सावधानी अपनाउने विषयमा भने प्रशासनले कडाइ गर्ने उहाँको भनाइ छ ।
उहाँकाका अनुसार भोलिदेखि चितवनमा गर्न नपाउने र नमिल्ने कामको विवरण कम हुनेछ भने अती आवश्यकभन्दा बाहेकका पसललाई विहान १० बजेदेखि ५ बजेसम्म खोल्न मिल्नेगरी निर्णय गर्दैछौं ।
यस्तै धार्मिक, सांस्कृति कार्यक्रम गर्न, बिहे, ब्रतबन्ध जस्ता सामाजिक काम गर्न र अन्य भेला जमघट हुनलाई केही समय रोक्ने प्रशासनको तयारी रहेको छ ।
जिल्ला प्रशासन कार्यालय चितवनले भदौ ३१ गते राति १२ बजेसम्मको लागि केही खुकुलो बनाई निषेधज्ञा लगाएको थियो । चितवनमा साउन ३२ गतेबाट निषेधाज्ञा लगाइएको हो ।