भण्डारा । भूमि सुधार आयोग चितवनका अध्यक्ष इमानसिंह मोक्तानले गुम्बा बौद्ध धर्मावलम्बीहरुको आस्थाको धरोहर भएको बताएका छन् ।
राप्ती नगरपालिका वडा नं. ७, वीरेन्द्रनगरस्थित साङ्ग छेवाङ् टासी बौद्ध गुम्बाको प्रथम ऐतिहासिक भेलामा प्रमुख अतिथि समेत रहेका अध्यक्ष लामाले सो बताएका हुन् ।
- ADVERTISEMENT -
उनले गुम्बा संरक्षण र सम्वद्र्धनमा सबैले जोड दिनु पर्ने धारणा राख्दै गुम्बालाई विगतमा पनि सहयोग गरेको र आगामी दिनमा पूर्ण सहयोग गर्ने प्रतिबद्धता व्यक्त गरे ।
विभिन्न धर्महरुको बाटो फरक फरक भए पनि सबैको उद्देश्य शान्ति र सुमार्ग रहेको उनको भनाइ थियो ।
उनले गुम्बाको विकास लागि सहयोग अपरिहार्य रहेको बताउँदै सबैलाई हातेमालो गर्न आग्रह समेत गरे ।
गुम्बाको उन्नयनका लागि गर्न सकिने सहयोगमा सबै हिसाबले सहकार्य गरेर हातमा हात मिलाएर अघि बढ्नु पर्ने उनको अपिल थियो ।
उनले गुम्बालाई यस क्षेत्रको नमूनाको रुपमा स्थापित गराउनको लागि आफूले सक्दो पहल गर्ने विश्वास व्यक्त गरे ।
गुम्बाका अध्यक्ष राजेश रूम्बा लामाको अध्यक्षतामा सम्पन्न कार्यक्रममा उनले गुम्बाको विगतदेखि वर्तमानसम्मका गतिविधिबारे प्रकाश पारेका थिए ।
