रत्ननगरका मेयर वन कोरोनामुक्त

रत्ननगर / रत्ननगर नगरपालिकाका मेयर नारायण वन कोरोना मुक्त भएका छन् । मेयर वन १५ दिन होम आइसोलेनमा बसेरै कोरोना जित्न सफल भएका छन् । भरतपुरस्थित कोभिड–१९ परीक्षण प्रयोगशालामा सोमबार गरिएको दोश्रो कोरोना रिपोर्ट नेगेटिभ आएको थियो ।
मेयर वन नगरवासीलाई कोरोना संक्रमणबाट जोगाउन सक्रिय रहँदै गर्दा असोज १ गते कोरोना संक्रमण पुष्टि भएको थियो । होम आइसोलेसनमा रहेका मेयर वनले आयुर्वेद र सामान्य हेमोयोपेथिक औषधिको सेवन गरेर कोरोना जितेका हुन् । रत्ननगर अस्पतालमा स्वाव दिँदा कोरोनासँग मिल्दो जुल्दो लक्ष्यण रहेका मेयर वनको होम आइसोलेनमा बस्दा स्वास्थ्य अवस्था सामान्य रहेको थियो ।
उनले भने घरमै बसेर कोरोनालाई जित्न सफल भएको छु तर कोरोनालाई सामान्य रुपमा लिनु हुदैन । मेयर वनले आफ्नो स्वास्थ्य लाभको कामना गर्नु सबैप्रति आभार प्रकट गरेका छन् ।