महासंघद्वारा दुई दिने ‘मोबाइल जर्नालिज्म’ तालिम सुरु

भरतपुर । नेपाल पत्रकार महासंघ चितवन शाखाको आयोजनामा भरतपुरमा दुई दिने ‘मोबाइल जर्नालिज्म’ तालिम सुरु भएको छ । उक्त तालिममा खोज पत्रकारिता केन्द्र(सिआईजे)का प्रशिक्षक प्रशिक्षक रामु सापकोटाले मोबाइलबाट स्तरीय भिडियो खिच्ने, फोटो खिच्ने, अडियो सम्बन्धी तालिम दिएका हुन् ।
प्रशिक्षक सापकोटाले अहिले आधुनिक युगमा मोबाइलबाटै पत्रकारहरुले पत्रकारिता गर्न सकिने विषयमा प्रशिक्षण दिएका हुन् । अहिले हाम्रो समाजमा पत्रकारिता क्षेत्रमा मोबाइल जर्नालिज्मको नयाँ प्रयोग भएको र यसबाट हामीले छिटोभन्दा छिटो समाचार आम पाठकसम्म पु¥याउन सकिने उनले बताए ।
उक्त तालिममा एण्ड्रोइड मोबाइलकै प्रयोगबाट गुणस्तरिय फोटो, भिडियो खिच्न र अडियो लिन सहज हुने भएकाले पत्रकारिता क्षेत्रमा मोजोको सुरुवात भएको हो । मोबाइल जर्नालिज्म पत्रकारिता ‘मोजो’ प्रति नेपाली पत्रकारहरुको दिनप्रति चासो बढ्दै गएको प्रशिक्षक सापकोटाले बताए ।
उक्त तालिममा नेपाल पत्रकार महासंघ चितवन शाखाका अध्यक्ष राधेश्याम खतिवडाले मोबाइल जर्नालिज्मबाट पत्रकारहरुलाई काम गर्न सहज हुने बताए ।
उक्त तालिममा चितवनका ३० भन्दा बढी पत्रकारहरु सहभागी रहेका छन् । तालिम शनिबार सकिने अध्यक्ष खतिवडाले जानकारी दिए ।