April 13, 2024

राप्ती बचतको प्रारम्भिक साधारणसभा

January 4, 2020

भण्डारा । राप्ती नगरपालिका वडा नं. ५ भण्डारामास्थित राप्ती बचत तथा ऋण सहकारी संस्था भण्डाराले प्रारम्भिक साधारणसभा सम्पन्न गरेको छ ।
कार्यक्रममा प्रमुख अतिथि प्रतिनिधि सभा सदस्य तथा पूर्व अर्थमन्त्री सुरेन्द्र पाण्डेले राज्यको तीन खम्बे अर्थनीतिमा सहकारी एउटा खम्बा रहेको बताए । सहकारीहरु मजबुत भए देशले गति लिने उनको भनाइ थियो । देशको कुल ग्राहस्थ उत्पादनमा सहकारीको योगदान निजी संस्थाहरुको तुलनामा कमजोर रहेकोले यसलाई सुधार गर्नुपर्ने आवश्यक रहेको उनले सुझाव दिए ।
कार्यक्रममा संस्थाका अध्यक्ष परशुराम पाठकले नीति तथा भावी कार्यक्रम सहितको प्रतिवेदन प्रस्तुत गरेका थिए । स–साना पुजीँलाई एकत्रित गरी उत्पादनशील क्षेत्रमा उपयोग गर्ने उद्देश्यले सहकारी स्थापना गरिएको अध्यक्ष पाठकले जानकारी दिए ।
गत श्रावणदेखि २०÷२५ जनाको समूहले सहकारी सञ्चालनमा आएको र छिट्टै नै बहुउद्देश्यीय सहकारीको रुपमा विकास गर्ने अवधारणा रहेको उनले बताए ।
कार्यक्रममा राप्ती नगरपालिका वडा नं. ३ का अध्यक्ष राजकुमार उप्रेती, वडा नं. ५ का अध्यक्ष मेनुका पाठक, वडा नं. ६ का अध्यक्ष जल्लु महतो, उद्योग वाणिज्य संघ राप्तीका वरिष्ठ सदस्य पूर्णबहादुर थापालगायतको उपस्थिति रहेको थियो ।
संस्थाका कोषाध्यक्ष सन्तोष उप्रेतीले आर्थिक प्रतिवेदन प्रस्तुत गरेका थिए भने कार्यक्रम सचिव डिल्लीप्रसाद थपलियाले सञ्चालन गरेका थिए । ६ महिनाअघि स्थापना भएको संस्थामा हाल २२७ जना सदस्य रहेका छन् ।

- ADVERTISEMENT -