April 13, 2024

१२५ सीसीको पल्सर मोटरसाइकल बिक्री सुरु

March 19, 2020

नारायणगढ । शहीदचोकमा अवस्थित नारायणी मोटर्सले १२५ सीसीको पल्सर मोटरसाइकल बिहीबारदेखि बिक्री सुरु गरेको छ । दुई पाङ्ग्रे सवारी साधनमा बजाज कम्पनीले १२५ सीसी को पल्सर मोटरसाइकल पहिलोपल्ट उपलब्ध गराएको हो । नारायणी मोटर्सका सञ्चालक बालगोपाल चुकेले पुराना ग्राहक तोयानाथ पन्त र अच्युत अधिकारीबाट मोटरसाइकलको बिक्री शुभारम्भ गरेको बताए ।
फोर स्ट्रक इन्जिनमा उपलब्ध पल्सरले ५५ किलोमिटर माइलेज दिने मोटर्सका सिनियर सेल्स अफिसर हरेराम खरेलको भनाइ छ । मोटरसाइकलमा १२ लिटरको पेट्रोल ट्याङ्की रहेको छ, १४० किलो तौल भएको मोटरसाइकलको अगाडि डिस्क ब्रेक जडान छ । मोटरसाइकलमा एन्टी स्कीड ब्रेक सिस्टम भएकाले पछाडिको ब्रेक लगाउँदा अगाडिको ब्रेक आफैँ लाग्ने बनाइएको छ ।
मोटरसाइकलमा पाँच गियर क्षमता रहेकाले पाँचौ गियरमा आरामदायी यात्रा गर्न सकिने खरेलले बताए । कम्पनीले मोटरसाइकलको खरिदमा विभिन्न उपहार योजना समेत ल्याएकोले मोटरसाइकलको खरिदमा स्क्र्याच कुपन मार्फत १० हजार रुपैयाँसम्म जित्न सकिने चुकेले जानकारी दिए । बजाज कम्पनीका जुनसुकै मोटरसाइकलको खरिदमा हरेक दिन लक्की ड्र मार्फत सामसुङ कम्पनीको एलसीडी टीभी, वासिङ मेसिन, मोबाइललगायतका उपहारहरु प्रदान गरिने उनले भने ।
दुई लाख २४ हजार नौ सय रुपैयाँ मूल्य रहेको १२५ सीसीको पल्सर मोटरसाइकलमा फाइनान्सको सुविधा समेत उपलब्ध रहेको मोटर्सका फाइनान्स अफिसर रिचेन पण्डितले जानकारी दिए । पण्डितकाअनुसार ४० प्रतिशत डाउनपेमेन्ट गरेको अवस्थामा फाइनान्समा मोटरसाइकल उपलब्ध गराइने छ ।

- ADVERTISEMENT -