May 20, 2024

विश्वभर कोरोना संक्रमित २५ लाख नजिक, नेपालमा ४ जना निको

April 21, 2020

काठमाडौं । विश्वव्यापी रुपमा फैलिरहेको कोरोना भाइरस संक्रमणबाट मंगलबारसम्म विश्वभर २४ लाख ८१ हजार ८ सय ६६ रहेको विश्व स्वास्थ्य संगठन (डब्लुएचओ)ले जनाएको छ ।
डब्लुएचओका अनुसार कोरोना संक्रमणबाट ६ लाख ५१ हजार ५ सय ४२ जना निको भएका छन् भने १ लाख ७० हजार ४ सय ५५ जनाले ज्यान गुमाएका छन् ।
विश्वभर कोरोना भाइरसका कारण सबैभन्दा बढी अमेरिका प्रभावित भएको पाइएको छ । अमेरिकामा ७ लाख १२ हजार ९ सय १३ जना संक्रमित रहेका छन् । कोरोनाबाट ७२ हजार ३ सय ८९ जना निको भएका छन् भने ४२ हजार ५ सय १७ जनाले ज्यान गुमाएका छन् ।
कोरोनाबाट प्रभावित दोस्रो देश स्पेन रहेको छ । जहाँ संक्रमितहरु २ लाख २ सय १० जना रहेको छन् । ८० हजार ५ सय ८७ निको भएका छन् भने २० हजार ८ सय ५२ जनाको मृत्यु भएको छ ।
त्यस्र्तै इटालीमा १ लाख ८१ हजार २ सय २८ जना संक्रमितहरु भेटिएका छन् । ४८ हजार ८ सय ७७ जना स्वस्थ भएका छन् भने २४ हजार १ सय १४ जनाले ज्यान गुमाउनु परेको छ ।
यसैगरी नेपालमा अहिलेसम्म ३१ जना संक्रमितहरु भेटिएको स्वास्थ्य मन्त्रालयले जनाएको छ । संक्रमित ४ जना सफल उपचारपश्चात घर लागेका छन् भने अन्यको अवस्था सामान्य रहेको बताइएको छ ।
स्वास्थ्य संगठनका अनुसार ८ हजार ४ सय १४ जनाको स्वास्थ्य परीक्षण गरिएको छ ।

- ADVERTISEMENT -
- ADVERTISEMENT -
- ADVERTISEMENT -