May 20, 2024

बाँदरका लागि चामल, मकै, केराउ र बिस्कुट,     करुणालयलाई चामल तथा मास्क वितरण

April 29, 2020

देवघाट\चितवन । चितवन जिल्लामा रहेका तीन रोटर्याक्ट क्लबहरुले देवघाटमा रहेका भोको भएका बाँदरलाई खाना खुवाएका छन् । अरुको आशामा खानेकुरा कुरेर बसेका बाँदरहरुलाई आहारा नभएर आपत नपरोस् भनेर क्लबहरुबाट खानेकुरा खुवाइएको हो ।
देवघाट बजार क्षेत्र र बाँदरको घनत्व बढी भएको क्षेत्रहरुमा बाँदरलाई खानेकुरा खुवाइएको रोट्याक्ट क्लब अफ भरतपुरका उपाध्यक्ष गोविन्द पराजुलीले बताए । उपाध्यक्ष पराजुलीका अनुसार बाँदरलाई चामल, मकै, केराउ र बिस्कुट खुवाएका थिए भने रोटरी करुणालय देवघाटमा चामल सहयोग गर्नुका साथै माक्स हस्तान्तरण गरेका थिए ।
कार्यक्रममा जोनल रोटर्याक्ट प्रतिनिधि (जेडआरआर) निरज खनाल, रोटर्याक्ट क्लव अफ चितवनका निर्वाचित अध्यक्ष रोशन खरेल, रोटर्याक्ट क्लव अफ नारायणगढ़का अध्यक्ष सन्तोष थापा, रोटर्याक्ट क्लब अफ भरतपुरका सदस्य अर्जुन लामिछाने, रोटर्याक्ट क्लब अफ चितवनका सदस्य कुशल खनाल, रोटर्याक्ट क्लब अफ नारायणगढ्का निवार्चित अध्यक्ष प्रदिप खरेलको उपस्थिति रहेको थियो ।

- ADVERTISEMENT -
- ADVERTISEMENT -
- ADVERTISEMENT -