राप्तीकी महिलाको रिपोर्ट पुनः पोजेटिभ

भरतपुर\चितवन । भरतपुर अस्पतालमा उपचाररत कोरोना संक्रमित महिलाको रिपोर्ट पुनः पोजेटिभ आएको छ । चितवनको राप्ती नगरपालिका ८ की ६३ वर्षीया महिलाको रिपोर्ट पुनः पोजेटिभ आएको अस्पतालका सूचना अधिकारी लीलाधर पौडेलले जानकारी दिए ।
महिलासँगै भर्ना भएका उनका छोरा भने कोरोनामुक्त भइसकेका छन् । उनलाई अस्पताल डिस्चार्ज गरिसकेको छ यद्यपी उनी आमालाई सँगै लैजाने भनेर कुरुवा भएर बसेका छन् । तर अस्पतालका अनुसार आमाको यो तेस्रो रिपोर्ट पनि पोजेटिभ नै आएको हो ।
गत बैशाख ५ गते आमा छोराको र्यापिड टेष्ट गर्दा पोजेटिभ देखिएको थियो भने उनीहरु बेलायतबाट नेपाल आएका हुन् ।
उनीहरुको भरतपुर र काठमाडौं टेकु दुबै ठाउँमा गरिएको पीसीआर परीक्षण समेत पोजेटिभ आएपछि अस्पतालमा उपचारका लागि राखिएको हो ।