लकडाउन उल्लघंनको कारवाहीमा १८६ सवारी साधन

भरतपुर । चितवनमा लकडाउन उल्लघंन गरेको भन्दै बुधबार १८६ सवारी साधनलाई कारवाही गरेको छ । लकडाउनको २३औं दिन विश्वव्यापी रुपमा बढ्दै गएको कोरोना भाइरस नियन्त्रणका लागि कारवाही गरिएको जिल्ला प्रहरी कार्यालय चितवनले जनाएको छ ।
कारवाहीमा २९ मोटरसाइकल, ६ स्कुटी, १ बोलेरो, १ ट्रयाक्टर, १ साइकल तथा १४८ वटा मोटरसाइकल र स्कुटीको चावी लिएर कारवाही गरिएको जिल्ला प्रहरी कार्यालय चितवनका डिएसपी एकनारायण कोइरालाले बताए ।
त्यस्तैगरी ७ पुरुषलाई पनि नियन्त्रण लिई आवश्यक छानविन पश्चात सम्झाईबुझाई अति आवश्यक कामबाहेक लकडाउन अवधिभरि घर बाहिर नहिँड्ने शर्तमा छाडिएको डिएसपी कोइरालाको भनाइ थियो ।
डिएसपी कोइरालाका अनुसार विभिन्न स्थानमा नियन्त्रणमा लिइएका सवारीसाधनलाई होल्ड राखी छाडिएको बताए । यसअघि पनि विभिन्न सवारी साधनलगायत मानिसहरुलाई कारवाही गरिएको थियो ।