सिम टिभीद्वारा अनलाइन कक्षा सुरु

भरतपुर/चितवन । एस्किना केवल नेटवर्क प्रा.लि चितवन (सिम टि.भी)ले कक्षा ४ देखि कक्षा १० सम्म अनलाइन कक्षा सुरू गरेको छ । विद्यालयमा लामो समयदेखि पठनपाठन हुन नसकेको र लकडाउनको समय अझै थपिने संकेतले अनलाइन कक्षा सुरु गरेको नेटवर्क प्रा.लि.का प्रबन्धक निर्देशक दिपक अधिकारीले बताए ।
हालसालै एउटा कक्षा पास भएर अर्को कक्षामा प्रवेश गरेका बालबालिकालाई निरन्तर रुपमा अध्यापन गराएर सहयोग पु¥याउने उद्देश्यका साथ सिम टि.भी. ले मकवानपुर, नवलपुर, चितवनमा आफनो सेवा प्रदान गरेको उनको भनाइ छ ।
प्रबन्ध निर्देशक अधिकारीका अनुसार सिम टि.भी.मा कक्षा ४ देखि कक्षा १० सम्म घरमै बसेर अनलाइन कक्षा हेर्न सकिने छ । दुई महिना भई सक्दा पनि लकडाउन नखुलेपछि विद्यार्थीहरुको शैक्षिक प्रणाली बिग्रने खतरा देखेपछि हामीले सहयोग स्वरुप अनलाइन कक्षा सञ्चालनमा ल्याएको उनले बताए ।
यसको उद्देश्य भनेको बालबालिकाको शैक्षिक प्रणाली भत्कन नदिने र अनलाइन मार्फत अध्ययन गर्दै लैजाने नै हो । उनले च्यानल न. ००१०७ मा जुनियर, ०११५ मा राईम्स र ०१०११७ मा अनलाइन कक्षा सञ्चालन भइरहेको र अन्य जानकारीको लागि च्यानल नं ०११७ मा हेर्न समेत सकिने जानकारी दिए ।