May 18, 2024

न्यूजप्रवाह डटकमको ‘भित्तेपात्रो २०७७’ लोकार्पण

May 31, 2020

मंगलपुर, चितवन । बि एण्ड बि मिडिया नेटवर्क प्रा.लि.द्वारा संचालित न्यूजप्रवाह डकटम अनलाइन न्यूजपेपरले २०७७ सालको भित्तेपात्रो लोकार्पण गरेको छ । आइतबार भरतपुर महानगरपालिका वडा नं. १७ का अध्यक्ष अमृतराज हमालले उक्त भित्तेपात्रो लोकार्पण गरेको हो ।
अध्यक्ष हमालले अहिलेको यो महासंकटको बेला र बजारमा भित्तेपात्रो नभएको अवस्थामा न्यूजप्रवाह डटकमले स्थानीयस्तर तथा वडामा दिई सहयोग गरेकोमा खुशी व्यक्त गरे ।
उनले विश्वभर फैलँदै गरेको कोरोना भाइरसको विषम परिस्थितिमा पनि न्यूजप्रवाह डटकमले भित्तेपात्रो प्रकाशन गर्न सफल हुनुभएकोमा शुभकामना तथा सफलताको कामना गर्दै आगामी दिन पनि यसको निरन्तरताको शुभकामना दिए । सामान्यस्तरका जनताको हकहितको आवाज, सत्यतथ्य समाचार सम्प्रेषणको लागि जुनसुकै संकटको बेलामा पनि कलम कहिल्यै नडगमगाई अटुट रुपमा अघि बढ्न हौसला प्रदान होस् उनले भने ।
न्यूजप्रवाह डटकमका प्रधान सम्पादक बबिलाल तामाङले यो पहिलो प्रयासलाई साथ दिनु भएकोमा सम्पूर्ण शुभचिन्तक महानुभावहरुप्रति आभार प्रकट गरे । ‘सत्यतथ्य र इमान्दारिता जनतामा आधार पत्रिका’ भन्ने मूल नाराकासाथ अघि बढेको यो अनलाइनले सदैव समाजको दर्पण भएर अघि बढ्ने प्रधान सम्पादक तामाङले प्रतिबद्धता व्यक्त गरेका थिए ।
उक्त लोकार्पणमा नेटवर्क प्रा.लि.का संचालक विक्रम गुरुङ, पत्रकार निर्मल पौडेललगायतको उपस्थिति रहेको थियो ।

- ADVERTISEMENT -
- ADVERTISEMENT -
- ADVERTISEMENT -