चितवन खबरले वार्षिकोत्सवसंँगै सुरु गरे इ–चितवन खबर डटकम

भरतपुर, चितवन । मोफसलमा प्रकाशित हुने चितवन खबर राष्ट्रिय अर्ध साप्ताहिक पत्रिकाले नवौं बार्षिकोत्सव मनाएको छ । बार्षिकोत्सव संँगै पत्रिकाले आफ्नो अनलाइन संस्करण इ–चितवन खबर डटकमको समेत शुभारम्भ गरेको सम्पादक इन्दिरा पन्तले जानकारी दिए ।
प्रमुख अतिथि पुरानो मेडिकल कलेजका सहप्राध्यापक तथा वरिष्ठ युरोलोजिष्ट डाक्टर सुदिपराज केसी र सम्पादक पन्तले कम्प्युटरमा क्लिक गरी संयुक्त रुपमा अनलाइन संस्करणको शुभारम्भ गरेका हुन् । कार्यक्रममा बोल्दै प्रमुख अतिथि डाक्टर केसीले चितवन खबर पत्रिकाले अनलाईन संस्करण समेत प्रारम्भ गरेकोमा सफलताको शुभकामना दिए ।
विशेष अतिथिका रुपमा रहनु भएका मेडिकल कलेजका सिनियर मेनेजर दुर्गा न्यौपानेले मिडियाले मेडिकल क्षेत्रमा भएको आविष्कार तथा नवीनतम प्रविधिलाई जनतासामु पु¥याउन मद्दत पुर्याउंँदै आएको बताए ।
मिडिया हाउसका निर्देशक दिपक खड्काले विभिन्न आरोह अवरोहका बीच पत्रिकाले नागरिकको सुसुचित गर्ने अधिकार र खबरदारी गर्ने विषयमा कहिल्यै विचलित नभएको बताए ।
पत्रिकाका महाप्रबन्धक हरि कार्की ‘लक्की’ले पछिल्लो समय संचार क्षेत्रमा अस्वस्थ प्रतिस्पर्धा बढ्दै गएकोले मिडिया हाउसलाई निरन्तरता दिनु चुनौतिपुर्ण रहेको बताए । राज्यले समानुपातिक विज्ञापन वितरण प्रणाली लागु गर्नुपर्ने तथा संचार माध्यम जोगाउने दायित्व सरकारको पनि रहेको उनको भनाइ थियो ।
महाप्रबन्धक कार्कीका अनुसार मिडिया हाउसले विभिन्न कार्यक्रम, इभेन्ट, विज्ञापन एजेन्सीको भूमिका निर्वाह गर्नुका साथै राष्ट्रिय तथा स्थानीय श्रष्टा तथा समाजसेवी, उद्यमी व्यवसायी, पत्रकारहरुलाई विभिन्न अवसरमा सम्मानित गर्दै आएको बताए । यसअघि लक्की मिडिया हाउसबाट संचालित चितवन खबरको भित्तेपात्रोको लोकार्पण भएको थियो ।