July 25, 2024
- ADVERTISEMENT -

लागु औषधसहित पाँच जना पक्राउ

June 22, 2020

भरतपुर, चितवन । जिल्ला प्रहरी कार्यालय चितवनले लागु औषध सहित पाँच जनालाई पक्राउ गरेको छ । पक्राउ पर्नेमा भरतपुर महानगरपालिका वडा नम्बर २२ का २६ वर्षिय आशिष थापा, २२ वर्षिया कञ्चन उपरकोटी, भरतपुर महागरपालिका वडा नम्बर ३ का २२ वर्षीय अविनास वोटे, वडा नम्बर ४ का २१ वर्षिय भूदत्त परियार र गैडाकोट नगरपालिका वडा नम्बर १६ की १९ वर्षिया बबिता महत्तो रहेको चितवन प्रहरी प्रवक्ता सुर्य थापाले जानकारी दिए ।
उनीहरुलाई शुक्रबार भरतपुर महानगरपालिका वडा नम्बर २ बिक्रम मार्गबाट पक्राउ गरिएको हो । उनीहरुको साथबाट फेनारगन २ सय ५५ एम्पुल, मफिन २ सय ५५ एम्पुल, डाईजेपाम २ सय ५५ एम्पुल बरामद गरिएको उनले बताए ।
प्रवक्ता थापाका अनुसार पक्राउ परेका सबैलाई जिल्ला अदालत चितवनमा लागुऔषध ओसारपोसारमा मुद्दा दर्ता गरिएको छ । उनीहरुलाई लागुऔषध नियन्त्रण ऐन २०३३ अनुसार मुद्दा दर्ता गरिएको हो ।

- ADVERTISEMENT -