कोरोनाबाट थप २ को मृत्यु, मृतक पुग्यो ३४ जना

काठमाडौँ । कोरोना संक्रमणबाट नेपालमा थप २ जनाको मृत्यु भएको स्वास्थ्य तथा जनसंख्या मन्त्रालय जनाएको छ ।
मन्त्रालयका प्रवक्ता डा जागेश्वर गौतमका अनुसार गोरखाको पालुङटार नगरपालिका ७ का ४४ वर्षीय एक पुरूष रहेका छन् ।
असार १७ गते कतारबाट नेपाल आएका उनको उपचारको क्रममा शनिबार गोरखा अस्पतालमा मृत्यु भएको हो। यस्तै, अर्का रुपन्देही जिल्लाका ७५ वर्षिय पुरूष छन् । जिल्लाको देवदह नगरपालिका रुपन्देहीका ७५ वर्षीय पुरुषको त्रिवि शिक्षण अस्पताल महाराजगञ्जमा असार १७ गते मृत्यु भएको हो ।
क्षयरोगका बिरामी उनलाई १४ गते अस्पताल भर्ना गरिएको थियो । उपचाका क्रममा मृत्यु भएपछि उनको असार १८ गते पिसिआर परीक्षण गरिएकोमा रिपोर्ट पोजिटिभ आएको हो । योसँगै नेपालमा कोरोनाबाट मृत्यु हुनेको संख्या ३४ पुगेको छ ।