माधवपुर स्कुलको अफिस र कम्प्युटर कोठा फुटाइ चोरी

रत्ननगर, चितवन । रत्ननगर १५, नमुना टोल, माधवपुरमा रहेको अधारभुत विद्यालयमा आइतबार राति चोरी भएको छ । बिहान स्कुल खोल्ने बेलामा ९ः३० बजे चोरी भएको थाहा पाई प्रहरीलाई खबर गरेको विद्यालय व्यवस्थापन समितिका अध्यक्ष कृष्णबहादुर नेपालले जानकारी दिनुभयो । विद्यालयको अफिस कोठा तथा कम्युटर कोठा फुटाई चोरी गरी लगेको उहाँले जानकारी दिनुभयो ।
विद्यालयको ३२ इन्चको २ थान रंगीन टिभी, कम्प्युटर सेट २ थान, प्रोजेक्टर १ थान, कम्प्युटर स्पिकर १ थान र हेन्ड माइक २ थान चोरी भएको अध्यक्ष नेपालले बताउनुभयो । साथै चोरले बिधालयको सीसी क्यामेरामा समेत तोडफोड गरेको उहाँले जानकारी दिनुभयो । विद्यालयमा विभिन्न सामानहरु चोरी भएको र सो को बारेमा अनुसन्धान थालिएको इलाका प्रहरी कार्यालय टाँडी प्रहरी नायव उपरीक्षक (डिएसपी) रबिन कार्कीले बताउनुभयो ।