भरतपुर–१५ मा एक जना संक्रमित पुष्टि

बबिलाल तामाङ

प्रकाशित मिति : २०७७ श्रावण ९ गते

भरतपुर, चितवन । चितवनको भरतपुर–१५ मा एक जना ४१ वर्षीय पुरुषमा कोरोना संक्रमण पुष्टि भएको छ । भरतपुरस्थित कोभिड १९ परीक्षण प्रयोगशालामा गरिएको स्वाब परीक्षणमा बिहीबार संक्रमित पुष्टि भएको हो ।
उक्त पुरुष भारतबाट आएको भरतपुर वडा नं. १५ का वडा सदस्य बिलबहादुर लामाले जानकारी दिए । उनी भारतीय सेना रहेको र छुट्टि मनाउन नेपाल आएका हुन् । उनी अहिले भरतपुर १५ को क्वारेन्टिनमा छन् ।
उनले भने क्वारेन्टिनमा रहेकाको १४ दिनपछि पिसिआर गरिन्छ तर अहिलेको परीक्षण रिपोर्ट चार ढिलो आएको हो ।
लामाका अनुसार श्रीपुर माविमा ७ जना क्वारेन्टिनमा रहेकाको सबैको रिपोर्ट नेगेटिभ आएपछि उनीहरुलाई घर पठाइएको छ ।
यसैगरी हाल विश्वप्रकाश माविमा २ जना क्वारेन्टिनमा छ भने राष्ट्रिय मावि १ जना छन् । होम क्वारेन्टिनमा ७ जना रहेका छन् ।