जण्डिसबाट ग्रसित बुद्धि तामाङको निधन

भरतपुर । भरतपुर १६, गोपालचोक निवासी नेपाली कांग्रेसका क्रियाशील सदस्य बुद्धिबहादुर तामाङको मंगलबार निधन भएको छ भने उहाँको पार्थिव शरीरलाई बुधबार श्रद्धाञ्जली दिने काम भएको थियो ।
श्रद्धाञ्जली कार्यक्रममा तामाङको पार्थिव शरीरमा वडा नं. १६ का अध्यक्ष अमृतराज हमालले नेपाली कांग्रेसको झण्डा ओढाएर श्रद्धाञ्जली दिएका थिए । श्रद्धाञ्जली दिँदै अध्यक्ष हमालले तामाङ नेपाली कांग्रेसको सक्रिय सदस्य रहेको र उहाँको निधनले पार्टीलाई अपूरणीय क्षति भएको बताउनुभयो ।
श्रद्धाञ्जली सभामा तामाङको सम्झनामा एक मिनेट मौन धारण गरिएको थियो । तामाङका आमा, श्रीमती, छोराहरु ४ जना, छोरी १, नाति १, नातिनीहरु ३ जना छन् भने परिवारका अनुसार तामाङ जण्डिस रोगबाट ग्रसित भएको बताइएको छ ।