कोरोनाले थप दुईको मृत्यु, मृतक संख्या ११६ जना

पर्सा / कारोना भाइरसको संक्रमणबाट थप दुई जनाको मृत्यु भएको छ।पर्साको एक जना पुरुष र भक्तपुरकोे एक जना महिलाको मृत्यु भएको हो।
पर्साको वीरगञ्जमा रहेको गण्डक कोभिड अस्पतालमा उपचार गराइरहेका व्यक्तिको ज्यान गएको नारायणी कोभिड अस्पतालका कोअर्डिनेटर डाक्टर उदयनारायण सिंहले जानकारी दिनुभयो ।
विर्ताका ८६ वर्षीय पुरुषको गएराति १० बजे गण्डक अस्पतालमा ज्यान गएको उहाँले बताउनुभयो । ती वृद्धको कोभिड निमोनियाको उपचार गराउदै गर्दा ज्यान गएको हो ।
उहाँको स्वाब साउन २३ गते सङ्कलन गरिएको थियो । २६ गते आएको रिपोर्टमा उहाँमा कोरोना भाइरसको सङ्क्रमण पुष्टि भएको थियो ।
त्यस्तै आज बिहान ललितपुरको पाटन अस्पतालमा उपचार गराइरहेकी भक्तपुर सूर्यविनायककी ६१ वर्षीया महिलाको ज्यान गएको थियो । ती महिलालाई गएको साउन २१ गते अस्पताल भर्ना गरिएको थियो । योसँगै नेपालमा कोरोना सङ्क्रमणका कारण ज्यान गुमाउनेको सङ्ख्या १ सय १६ जना पुगेको छ ।