June 13, 2024

अग्रपंक्तिमा रहेर खटिनेहरूका सम्मानमा सांझ ७ बजे ताली बजाउन अपिल

August 23, 2020
फोटो : भण्डाफोर अभियान ।

चितवन / कोरोना भाइरस महामारी यो विषम परिस्थितिको समयमा अग्र भागमा रहेर खटिरहनु भएका सम्पूर्ण व्यक्तित्वहरुको सम्मानमा आज साँझ ताली बजाउन अपिल गरिएको छ । उक्त अपिल चितवनका स्वतन्त्र युवाहरुको समुहले गरेको हो ।
विश्वभरि फैलिएको कोरानाले सम्पूर्ण मानवजाति आक्रान्त भएको अवस्थामा अग्रपंक्तिमा रहेर काम गर्ने स्वास्थ्यकर्मी, सुरक्षाकर्मी, सञ्चारकर्मी तथा सरसफाइकर्मीको सम्मानमा आज आइतबार साँझ ताली बजाउन चितवनका स्वतन्त्र युवाहरुले आह्वान गरेका हुन् ।
अपिलका अनुसार साँझ ७ बजे आफ्नै घरको बार्दली वा आँगनबाट नै उनीहरुको सम्मानमा ताली बजाउन आह्वान गरिएको हो । अहिलेको अवस्थामा सबैजना घर भित्रै रहँदा पनि स्वास्थ्यकर्मी, सुरक्षाकर्मी, सञ्चारकर्मी तथा सरसफाईकर्मीहरु कोरोना बिरुद्धको लडाइमा अग्रपंक्तिमा रहेर काम गरिरहेकोले सम्मानका लागि ताली बजाउन आह्वान गरिएको युवाहरुले बताएका छन् ।
सम्मानको तालीले अग्रपंक्तिमा रहेर काम गर्नेहरुलाई थप हौसला मिल्ने र मनोबल बढ्ने भएर यस किसिमको कार्यक्रम राखेको अभियानका युवाहरुको भनाइ छ ।

- ADVERTISEMENT -
- ADVERTISEMENT -
- ADVERTISEMENT -
- ADVERTISEMENT -
- ADVERTISEMENT -