चितवनका २९ सहित ४३ जनामा कोरोना

बबिलाल तामाङ

प्रकाशित मिति : २०७७ भाद्र १४ गते

चितवन / चितवनमा थप ४३ जनामा कोरोना संक्रमण देखिएको छ । भरतपुर अस्पतालको कोभिड १९ प्रयोगशालामा शनिबार गरिएको परिक्षणमा थप पुष्टि भएकामध्य २९ जना चितवनकै र अन्य १४ विभिन्न जिल्लाका रहेका छन् ।
चितवनको भरतपुर महानगरपालिकाको विभिन्न वडाका १७ जना पुरुष र १० जना महिलामा कोरोना पुष्टि भएको हो । त्यस्तै खैरहनी नगरपालिका वडा नम्बर ८ को २४ बर्षिय एक पुरुष र वडा नम्बर ९ को ४९ बर्षिय एक महिलामा कोभिड १९ पोजिटिभ आएको छ ।तनहुँ र झापा २/२ जना महिला, नवलपुरको एकजना महिलामा समेत कोरोना संक्रमण देखिएको छ ।
त्यस्तै सर्लाही , दाङ, धनुषा ,पाचथर , सप्तरी , कास्की , सुर्खेत , बाग्लुङ र बाराका एक एकजनामा कोरोना पुष्टि भएको छ ।