June 24, 2024

बाढीले बगाँउदा २ जनाको मृत्यु

September 3, 2020
फोटो : हल्कारो समाचारबाट ।

बागलुङ / बागलुङमा लगातारको वर्षापछि आएको बाढीमा परेर २ जनाको मृत्यु भएको छ । बाढीमा १५ जना बेपत्ता भएको प्रारम्भिक अनुमान गरिएको छ । बुधबार राति १२ बजेतिरे ढोरपाटन नगरपालिका वडा नम्बर ९ को देउरालीबाट खसेको पहिरोले स्थानीय सुप्राङ, लाकुरीबोट र दुनेपंधेराका गरी १५ भन्दा बढी घर बगाएको बागलुङका प्रमुख जिल्ला अधिकारी सुरेश न्यौपानेले जानकारी दिनुभयो ।
उहाँका अनुसार १५ देखि २० घरहरु, एउटा स्कुलको आधा भाग र एउटा गाडीसमेत बगाएको छ भने ६, ७, ८ र ९ वडा प्रभावित भएकामा ८ र ९ वडामा बढी क्षति भएकोले बेपत्ता तथा मृतकको संख्या अझै बढ्न सक्ने अनुमान गरिएको छ ।
घटनास्थल सदरमुकामदेखि १ सय ३० किलोमिटर पश्चिमतर्फ पर्छ । जिल्ला प्रहरी कार्यालयका प्रवक्ता डीएसपी राजेन्द्र रेग्मीका अनुसार स्थानीय भुजी खोलाका कतिपय पुल जोखिमपूर्ण भएकोले उद्धारमा जानेहरुलाई पनि कठिनाइ भएको बताउनुभयो ।
यस्तै उद्धारको लागि ढोरपाटन सिकार आरक्ष र घोडाबाँधेस्थित नेपाली सेनाको टोली र स्थानीय वासिन्दाले पहिरो पन्छाउने काम गरिरहेको छन् ।

- ADVERTISEMENT -
- ADVERTISEMENT -
- ADVERTISEMENT -
- ADVERTISEMENT -
- ADVERTISEMENT -