संक्रमित ५५ थप, चितवनकै ४६ जना

चितवन / चितवनमा थप ५५ जनामा कोरोना संक्रमण (कोभिड–१९) पुष्टि भएको छ । भरतपुर कोभिड–१९ परीक्षण प्रयोगशालामा थप ५५ जनामा आइतबार कोरोना भाइरस संक्रमण पुष्टि भएको प्रयोगशाला प्रमुख डा नितु अधिकारीले जानकारी दिए ।
डा अधिकारीका अनुसार चितवनका ४६ सहित ५५ जनाको रिपोर्ट पोजेटिभ आएको हो । भरतपुरका १६ महिला र १८ पुरुष गरी ३४ जना, रत्ननगरका ५ महिला १ पुरुष गरी ६ जना, राप्तीका १ पुरुष खैरहनीका ३ पुरुष र कालिकाका १ पुरुष र १ महिला समेत गरी चितवनका ४६ जना रहेको उनले बताइन् ।
अन्य संक्रमितहरुमा देवघाटका १ पुरुष, हेटौंडाका १ पुरुष, सर्लाहीका १ महिला र पर्साका ६ पुरुष समेत गरी ५५ जना रहेका छन । संक्रमितहरु ६ वर्ष देखि ७१ वर्षसम्मका रहेका छन । भरतपुर अस्पताल, पुरानो मेडिकल कलेज, पुष्पाञ्जली अस्पताल, नारायणी सामुदायिक अस्पताल र विभिन्न क्वारेन्टिनबाट संकलन गरिएका ३२५ नमुनाको परिक्षण गर्दा १८० नमुनाको नतिजा नेगेटिभ आएको थियो भने ५५ जनाको रिपोर्ट पोजेटिभ आएको अस्पतालले जनाएको छ ।