June 24, 2024

चितवनमा थप १ सय २ जना कोरोना संक्रमित

October 19, 2020
This photo shows the BP Koirala Memorial Cancer Hospital in Bharatpur, Chitwan, on Wednesday, April 20, 2016. Photo: Tilak Rimal/ THT

चितवन / चितवनमा थप १ सय २ जनामा कोरोना संक्रमण (कोभिड–१९) पुष्टि भएको छ । आइतबार भरतपुर अस्पतालको कोभिड १९ प्रयोगशालामा गरिएको परीक्षणमा ५६ जना र बी.पी कोइराला मेमोरियल क्यान्सर अस्पतालको कोभिड १९ मोलिक्यूलर ल्याबमा गरिएको परीक्षणमा ४६ जना गरी जम्मा १ सय २ जनामा संक्रमण पुष्टि भएको हो ।
भरतपुर अस्पतालमा गरिएको परीक्षणमा चितवनका मात्रै ४९ जना रहेका छन् । संक्रमण पुष्टि हुनेहरुमा भरतपुर महानगरपालिकाका १८ पुरुष र १६ महिला, राप्ती नगरपालिकाका ३ महिला, खैरहनी नगरपालिकाका २ पुरुष, १ महिला, रत्ननगर नगरपालिकाका २ पुरुष ३ महिला, कालिका नगरपालिकाका १ पुरुष र इच्छाकामना गाँउपालिकाका ३ पुरुष रहेका छन् ।
यस्तै नवलपरासीका १ पुरुष १ महिला र पर्साका ४ पुरुष १ महिलाको संक्रमण पुष्टि भएको छ । उनीहरुको भरतपुरका विभिन्न अस्पताल र क्वारेन्टिनबाट श्वाब संकलन गरिएको थियो । ४ सय ३१ नमुना परीक्षण गरिएकोमा ३ सय ७५ जनाको कारोना नेगेटिभ आएको छ ।
यस्तै बी.पी कोइराला मेमोरियल क्यान्सर अस्पतालको मोलिक्यूलर ल्याबमा गरिएको परीक्षणमा ४६ जनामा कोरोना पुष्टि भएको छ । जसमध्ये चितवनका मात्रै ३४ जना रहेका छन् ।

- ADVERTISEMENT -
- ADVERTISEMENT -
- ADVERTISEMENT -
- ADVERTISEMENT -
- ADVERTISEMENT -