चितवन ८३ थप, दुई वर्षे बालक पनि संक्रमित

चितवन / चितवन मेडिकल कलेजको कोभिड–१९ परीक्षण प्रयोगशालामा ८३ जनामा कोरोना भाइरस संक्रमण पुष्टि भएको छ । चितवनमा बुधबार थप ८३ जनामा कोरोना भाइरस कोभिड–१९ संक्रमण पुष्टि भएको प्रयोगशाला प्रमुख नवीनकुमार चौधरीले जानकारी दिए ।
उनका अनुसार संक्रमित हुनेहरुमा भरतपुरका २८ पुरुष र १८ महिला गरी ४६ जना, रत्ननगरका ३ पुरुष ६ महिला, खैरहनीका १ पुरुष, राप्तीका १ महिला र ईच्छाकामनाका १ पुरुष गरी चितवनका ५८ जना रहेका छन ।
अन्य संक्रमितहरुमा नवलपुरका १४, तनहुँका ४, गोरखा १, बारा ४, काठमाण्डौ १ र ललितपुरका १ समेतगरि जम्मा ८३ जना रहेका छन । संक्रमितहरु २ महिना देखि ९० बर्ष सम्मका रहेका छन । परीक्षण गरिएका नमुनाहरु सबै सिएमसी स्वाब संकलन केन्द्रबाट लिइएको उनले बताए ।
परीक्षण गरिएका २७१ वटा नमूना मध्ये १८८ वटाको रिपोर्ट भने नेगेटिभ आएको छ ।