प्रियंका नयाँ हलिउड फिल्ममा

काठमाडौं / बलिउड चर्चित अभिनेत्री प्रियंका चोपडा नयाँ हलिउड फिल्ममा देखिने भएको छ । उनी हलिउडको नयाँ फिल्म ‘टेक्स्ट फर यू’का लागि अनुबन्धित भएकी छिन् ।
उक्त फिल्ममा आउटल्यान्डर स्टार साम ह्यूगन र केलिन डियोनसँग देखिने छिन् । केलिन डियोनले यसअघि पाँच पटक ग्र्यामी अवार्ड जितिसकेका छन् ।
उक्त फिल्मका लागि निर्देशक जिम स्ट्राउस रहेको बताइएको छ । यसअघि प्रियंका हलिउड फिल्म ‘बे वाच’, ‘अ किड लाइक जेक’ र ‘इजन्ट इट रोमान्टिक’मा अभिनय गरी सकेकी छिन् ।
मंगेत्तर गुमाउने एक महिलाको कथामा आधारित रहेर फिल्म बन्ने भएको हो । फिल्मको निष्कर्ष पुनः प्रेम गर्न कोशिश गर्ने पात्रहरुको भूमिकामा देखाइने बताइएको छ । उक्त फिल्म जर्मन फिल्म एसएमएस फर डिचको रिमेक हो भने कथा सोफी कार्मरको चर्चित उपन्यासबाट प्रभावित रहेको छ ।
त्यसैगरी प्रियंका द म्याट्रिक्स फोर, सिटाडेल, द ह्वाइट टाइगर र वि क्यान बी हिरोजमा पनि अनुबन्धित भएकी छिन् ।