एकै परिवारका दाजुुभाइ बेपत्ता, परिवारले गरे खोजीको आग्रह

गैँडाकोट / गैँडाकोटबाट एकै परिवारका दुईजना दाजुभाई बेपत्ता भएका छन । परिवारका अनुसार बेपत्ता हुनेहरुमा गैँडाकोट नगरपालिका वडा नं. २ एसपीएम टोलका वर्ष २६ का विजयबाबु पौडेल र वर्ष २१ का संगम पौडेल हुन् ।
उनीहरु सोमबार बिहानदेखि परिवारको सम्पर्कबाट बाहिर रहेका छन् । घरमा परिवारसँगै खाना खाएर करिव साढे १० बजे घरबाट निस्केका उनीहरु हालसम्म पनि सम्पर्कमा नआएको आमा टेकमाया शर्माले जानकारी गराइन् । उनले छोराहरुको खोजीका लागि सबै आपन्तहरुलगायत ईलाका प्रहरी कार्यालयमा समेत निवेदन दर्ता गराएकी छिन् ।
उनका अनुसार दाई एसपीएम कलेज स्नातक तह तेस्रो वर्षमा र भाई सप्तगण्डकी बहुमुखी कलेज भरतपुरमा स्नातकतह प्रथम वर्षमा अध्ययनरत रहेको बताइन् । हराएका दाजुुभाईलाई कहिँकतै देख्नु भए ईलाका प्रहरी कार्यालय गैँडाकोट वा मोबाईल नं. ९८४६१०५१५१ मा खवर गरिदिन परिवारले आग्रह गरेको छ ।
यसअघि गैँडाकोट वडा नं. २ बाटै हराएका एक युवक र बेल्डीहाबाट हराएका बालकको समेत हालसम्म अवस्था पत्ता लाग्न सकेको छैन ।