July 20, 2024

मुद्रण संघ चितवनमा सापकोटाको नेतृत्व

March 13, 2021

चितवन / मुद्रण संघ चितवनको १९औं वार्षिक साधारण सभा १३औं अधिवेशन भरतपुरमा शनिबार सम्पन्न भएको छ । उक्त अधिवेशनले उपकार सापकोटाको नेतृत्वमा ११ सदस्यीय कार्यसमिति निर्विरोध निर्वाचित भएका छन् ।
अधिवेशनबाट संघको निर्विरोध निर्वाचित उपाध्यक्षमा सन्दिप सुवेदी, सचिवमा रविन मिश्र, कोषाध्यक्षमा उत्तम अर्याल, सहसचिवमा राजाराम त्रिपाठी, सहकोषाध्यक्षमा गौतमबाबु अर्याल चयन भएका हुन् । त्यसैगरी सदस्यहरुमा क्रमशः प्रकाश फुँयाल, सरोज घिमिरे, पुरन थापा मगर, परशुराम कँडेल, सुजन अर्याल रहेका छन् ।
नवनिर्वाचित अध्यक्ष सापकोटाले छपाईमा भएको मूल्यसूचीलाई एकरुपता ल्याउने, संगठनलाई जिल्ला व्यापी बनाउने तथा सदस्य बिस्तार मुख्य एजेण्डा भएको बताए । व्यवसाय क्षेत्रमा भएको अस्वस्थ्य प्रतिस्पर्धा, बढ्दो मूल्यवृद्धि, उत्पादित वस्तुको मूल्य घट्दो, एकआपसको खिचातानीले गर्दा व्यवसाय धरासायी बन्दै गएको उनले भने ।
उनले आगामी दिन एउटा निश्चित मूल्यसूची तयार गरी त्यसैलाई आधार मानी सबैलाई पालना गराउने उद्देश्य भएको बताए ।
चितवन जिल्लामा छरिएर रहेका व्यवसायीहरुलाई एकीकृत गर्ने र उनीहरुलाई सबैलाई संघमा आवद्ध गराउने उनले भने । क्षेत्रगत ढंगबाट सबै व्यवसायीलाई एकै ढिक्का बनाउने लक्ष्य रहेको उनको भनाइ थियो ।
कार्यक्रममा संघका सचिव सन्दिप सुवेदीले प्रगति प्रतिवेदन प्रस्तुत गरेका थिए भने कोषाध्यक्ष खुशीराम घिमिरेबाट आर्थिक प्रगति प्रतिवेदन प्रस्तुत भएको थियो ।

- ADVERTISEMENT -
- ADVERTISEMENT -