नेपालमा थप १८८ मा कोरोना संक्रमण पुष्टि

काठमाडौँ / नेपालमा पछिल्लो २४ घण्टामा थप १८८ जनामा कोरोना भाइरस संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ ।
मन्त्रालयका अनुसार देशभरका प्रयोगशालामा गरिएको परिक्षणमा १८८ जनामा संक्रमण देखिएको हो । योसँगै नेपालमा कुल कोरोना संक्रमितको संख्या २ लाख ७६ हजार २४४ पुगेको छ । पछिल्लो २४ घण्टामा ७७ जना कोरोना संक्रमणमुक्त भएका छन् । हालसम्म २ लाख ७२ हजार ९७ जना संक्रमणमुक्त भएका छन् ।
अहिलेसम्म नेपालमा कोरोनाबाट ज्यान गुमाउनेको संख्या तीन हजार १९ पुगेको छ । नेपालमा हाल सक्रिय संक्रमितको संख्या ११२८ रहेको छ । पछिल्ला दिनहरुमा नेपालमा कोरोना संक्रमित बढ्दै गइरहेको छ । प्राय हरेक दिन १ सयभन्दा कम संक्रमित फेला पर्ने नेपालमा दुई दिन यता संक्रमितको संख्यामा बृद्धि भइरहेको तथ्यांकमा उल्लेख छ ।